NEWS ALERT : SALUM MAYANGA NDIYE KOCHA WA MDA WA TAIFA STARS

Shirikisho la Mpira wa Miguu Tanzania (TFF), limemteua Salum Mayanga (kulia) kuwa kocha wa muda  (Interim coach), wa timu ya taifa ‘Taifa Stars’.

Kocha Salum Mayanga, ambaye alikuwa kocha msaidizi wa Taifa Stars, anachukua nafasi ya Kocha Charles Boniface Mkwasa (pichani chini) ambaye mkataba wake unafikia mwisho mwezi Machi, mwaka huu - 2017.

Kati ya majukumu yake yatakuwa ni kuandaa kikosi cha timu ya Taifa kwa ajili ya hatua ya kufuzu Kombe la Mataifa ya Afrika (AFCON) 2019 ambazo mechi za awali zitanza mapema mwaka huu.

Pia Kocha Mayanga atakuwa na jukumu la kuandaa kikosi cha wachezaji wa ndani kwa ajili ya hatua ya kufuzu Kombe la Mataifa ya Afrika kwa wachezaji wanaocheza ligi ya ndani (CHAN).

TFF inamshukuru Kocha Charles Boniface Mkwasa kwa utumishi katika nafasi hiyo ulioanza Julai, 2015 na kumtakia mafanikio katika mipango yake inayofuata.

IMETOLEWA NA SHIRIKISHO LA 

MPIRA WA MIGUU TANZANIA (TFF)

• Tweet
• Share
• Share
• Share
• Share

Sign up here with your email