.jpg)
- MTU MMOJA AMEFARIKI DUNIA NA WENGINE WA NNE KUJERUHIWA BAADA YA KUANGUKIWA NA JIWE WAKATI WAKIWA WAMELALA WILAYANI ILEMELA.
- MTU MMOJA ATEKWA NA KIPGWA SEHEMU MABALIMBALI ZA MWILI WAKE NA KUNDI LA WATU WANAODAIWA KUWA WANACHAMA WA CHADEMA WILAYANI ILEMELA.
- MTU MMOJA AMEFARIKI DUNIA KATIKA AJALI ILIYOHUSISHA GARI AINA YA FUSO NA PIKIPIKI WILAYANI NYAMAGANA.
KWAMBA TAREHE 12.03.2017 MAJIRA YA SAA SITA KAMILI USIKU (00:00HRS) KATIKA MTAA WA MITI MIREFU ULIOPO KATA YA BUZURUGA WILAYA YA ILEMELA JIJI NA MKOA WA MWANZA, MTU MMOJA ALIYEJULIKANA KWA JINA LA DOMINIC DANIEL MIAKA 17 MSUKUMA MKAZI WA MTAA WA MITI MIREFU MWANAFUNZI WA KIDATO CHA KWANZA SHULE YA SEKONDARI YA NYASAKA, AMEFARIKI DUNIA BAADA YA KUPONDWA KICHWANI NA JIWE LILILOPOROMOKA KUTOKA PEMBENI YA NYUMBA YAO WAKATI AKIWA AMELALA NA KUJERUHI NDUGU ZAKE WA NNE AMBAO NI 1.DAVID DANIEL MIAKA 16 MWANAFUNZI, 2.REBBECA DANIEL MIAKA 13 MWANAFUNZI, 3.TEDY DANIEL MIAKA 10 MWANAFUNZI, NA 4.TEDY ROBERT MIAKA 15 MWANAFUNZI.
INADAIWA KUWA PEMBENI YA NYUMBA ILIPO FAMILIA YA MAREHEMU KULIKUWA NA JIWE KUBWA NA WAKATI WAMELALA MVUA ILIKUWA IKIENDELEA KUNYESHA NDIPO ILIPOFIKA MAJIRA TAJWA HAPO JUU JIWE LILILOKUWA PEMBENI YA NYUMBA YAO LILIPOROMOKA NA KUVUNJA UKUTA WA NYUMBA KISHA KUINGIA NDANI CHUMBANI AMBAPO WATOTO WALIKUWA WAMELALA NA KUMPONDA MAREHEMU KICHWANI NA KUFARIKI DUNIA PAPO HAPO NA KUJERUHI NDUGU ZAKE TAJWA HAPO JUU SEHEMU MBALIMBALI ZA MIILI YAO.
MAJERUHI WAMELAZWA HOSPITALI YA MKOA WA MWANZA YA SEKOU TOURE WAKIENDELEA KUPATIWA MATIBABU NA HALI ZAO ZINAENDELEA VIZURI, MWILI WA MAREHEMU UMEHIFADHIWA HOSPITALI HIYOHIYO YA SEKOU TOURE KWA AJILI YA KUFANYIWA UCHUNGUZI, PINDI UCHUNGUZI UKIKAMILIKA UTAKABIDHIWA KWA NDUGU WA MAREHEMU KWA AJILI YA MAZISHI.
KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATA WATU WOTE AMBAO WANAISHI KATIKA MAENEO YA MILIMANI NA MAWE MAKUBWA KUWA MAKINI HASUA KATIKA KIPINDI HIKI CHENYE MVUA NYINGI ILI KUJIEPUSHA NA VIFO NA AJALI ZINAZOWEZA KUEPUKIKA.
KATIKA TUKIO LA PILI;
KWAMBA TAREHE 11.03.2017 MAJIRA YA SAA 09:00HRS ASUBUHI KATIKA MTAA WA KABOHORO KATA YA KIRUMBA WILAYA YA ILEMELA JIJI NA MKOA WA MWANZA, MTU MMOJA ALIYEJULIKANA KWA JINA LA LUCAS SIRILO MIAKA 32 MWANACHAMA WA CHAMA CHA MAPINDUZI (CCM) NA MKAZI WA IBANDA, ALITEKWA NA KUNDI LA WATU WANAODAIWA KUWA WANACHAMA WA CHAMA CHA CHADEMA WAKIWA NA GARI AMBALO NAMBA ZAKE HAZIKUFAHAMIKA LAKINI LIKIWA LIMEANDIKWA KWENYE UBAVU M4C KISHA WAKAMPELEKA KATIKA OFISI ZA CHADEMA ZA KANDA YA ZIWA HUKU WAKIMPIGA MATEKE NA NGUMI SEHEMU MABALIMBALI ZA MWILI WAKE KITENDO AMBACHO NI KOSA KISHERIA.
INADAIWA KUWA MTEKWAJI BWANA LUCAS SIRILO ALIKUWA NI KATIBU WA CHADEMA WA VIJANA WA WILAYA YA ILEMELA LAKINI INADAIWA KUWA BAADA YA MUDA MFUPI KUPITA ALIAMUA KUACHANA NA CHAMA CHA CHADEMA KISHA AKAJIUNGA NA CHAMA CHA MAPINDUZI KITENDO AMBACHO INASEMEKANA HAKIKUWAFURAHISHA BAADHI YA WANACHAMA WA CHADEMA.
KUTOKANA NA HALI HIYO INADAIWA KUWA JANA TAREHE 11.03.2017 MAJIRA TAJWA HAPO JUU BWANA LUCAS SIRILO AKIWA KATIKA MAENEO YA KABOHORO ALISHANGAA KUONA KUNDI LA WATU WAKIWA KWENYE GARI INADAIWA KUWA NI LA CHADEMA AMBALO NAMBA ZAKE HAZIKUMBUKI LAKINI LIKIWA LIMEANDIKWA KWENYE UBAVU M4C WAKIONGOZWA NA MTU ALIYEKUWA AKIMFAHAMU AITWAYE MIHAYO SALIM WALISHUKA NA KUMKAMATA KISHA KUMUINGIZA NDANI YA GARI HILO HUKU WAKIMPIGA MATEKE NA NGUMI SEHEMU MBALIMBALI ZA MWILI WAKE NA KUMPELEKA KWENYE OFISI ZA CHADEMA KANDA YA ZIWA HUKU WAKIMWAMBIA KWA NINI ALIHAMA CHADEMA.
KUTOKANA NA TUKIO HILO WANANCHI WALITOA TAARIFA POLISI NDIPO ASKARI WALIFANYA UFUATILIAJI WA HARAKA HADI OFISI ZA CHADEMA ZA KANDA YA ZIWA ZILIZOPO MTAA WA KITANGIRI WILAYANI ILEMELA NA KUFANIKIWA KUMUOKOA BWANA LUCAS SIRILO ALIYEKUWA ANASHIKILIWA. AIDHA KATIKA TUKIO HILO WATU WA NNE WANACHAMA WA CHADEMA WAMEKAMTWA AMBAO NI 1.RICHARD ERASTO MIAKA 35 MKAZI WA PASIANSI, 2.GODWIN WILE MIAKA 35 MKAZI WA KILIMAHEWA, 3.DEUS VEDASTO MIAKA 34 MKAZI WA KILIMAHEWA, NA 4.EMMANUEL TUMBO MIAKA 29 MKAZI WA BUSWELU.
WATUHUMIWA WOTE WAPO KATIKA MAHOJIANO NA JESHI LA POLISI PINDI UCHUNGUZI UKIKAMILIKA WATAFIKISHWA MAHAKAMANI, AIDHA POLISI WANAENDELEA NA UPELELEZI PAMOJA NA MISAKO YA KUWATAFUTA WATU WENGINE AMBAO WAMETOROKA LAKINI INADAIWA WAMEHUSIKA KATIKA TUKIO HILO.
KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WANASIASA AKIWATAKA KUACHA KUFANYA SIASA ZA CHUKI, BALI WAFANYE SIASA ZA KISTAARABU ZITAKAZOLETA MAENDELEO KWA WANANCHI WA JIJI NA MKOA WA MWANZA.
KATIKA TUKIO LA TATU;
MNAMO TAREHE 11.03.2017 MAJIRA YA SAA 21:20HRS KATIKA BARABARA YA MWANZA –SHINYANGA ENEO LA ISENI – BOHARI, GARI NAMBA T.214 AVF AINA YA MITSUBISHI FUSO LILILOKUWA LIKIENDESHWA NA DEREVA ALIYEJULIKANA KWA JINA LA COSMAS JOHN MIAKA 47 MAKAZI WA ARUSHA LIKITOKEA MAENEO YA NYEGEZI KUELEKEA MWANZA MJINI LILIGONGANA MWENDESHA PIKIPIKI ALIYEJULIKANA KWA JINA LA RESPIKIUS EMMANUEL MIAKA 35 AKIWA NA PIKIPIKI YENYE NAMBA T.432 ARY AINA YA SHINE RAY NA KUPELEKEA KIFO CHA MWENDESHA PIKIPIKI PAPO HAPO.
INADAIWA KUWA DEREVA WA GARI ALIKUWA KWENYE MWENDO WA KASI NDIPO ALIPOFIKA MAENEO YA ISENI – BOHARI GHAFLA ILITOKEA PIKIPIKI IKIWA KWENYE MWENDO WA KASI KISHA DEREVA WA PIKIPIKI ALIHAMA UPANDE WAKE NA KUJA UPANDE LILIPOKUWA GARI NA KULIGONGA GARI NA KUPELEKEA KIFO CHA DEREVA WA PIKIPIKI PAPO HAPO. CHANZO CHA AJALI NI MWENDO KASI NA KUKOSEKANA KWA UMAKINI WA DEREVA WA PIKIPIKI AMBAPO ALISHINDWA KUIMUDU PIKIPIKI NA KUPOTEZA UELEKEO NA KUPELEKEA KULIGONGA GARI NA KUSABABISHA KIFO CHAKE PAPO HAPO.
DEREVA WA GARI AMEKAMATWA YUPO KATIKA MAHOJIANO NA JESHI LA POLISI, MWILI WA MAREHEMU UMEHIFADHIWA HOSPITALI YA RUFAA YA BUGANDO KWA AJILI YA UCHUNGUZI PINDI UCHUNGUZI UKIKAMILIKA UTAKABIDHIWA KWA NDUGU WA MAREHEMU KWA AJILI YA MAZISHI.
KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WATUMIAJI WA VYOMBO VYA MOTO HUSUSANI WAENDESHA PIKIPIKI AKIWATAKA KUFUATA SHERIA, KANUNI NA TARATIBU ZA USALAMA BARABARANI ILI KUEPUSHA VIFO VINAVYOWEZA KUEPUKIKA.
IMETOLEWA NA;
DCP: AHMED MSANGI
KAMANDA WA POLISI (M) MWANZA
Sign up here with your email